مكالمتى مع حامد الزعرور بعد ماتش الحوكشه مع الكفر اللى جمبنا

‎‎ صدقونى مفيش واحد فى الجروب بتاعنا هيتهان بعد كده وأنا مش بقول الكلام ده بصفتى إبن الأدمن لاء أنا بتكلم بصفتى واحد منكم واللى حصل من الجروب إياه مش هيعدى بالساهل .كنا بنقول إن إحنا إخوه فى النت وبيجمعنا الفيس بوك لكن اللى عملوه ده يتعدى أى إخوه وإحنا مش هنسكت هنشتكى فى جوجل ونقاطع فى الياهو والبالتوك ...... تصدقو أنا عاوز أعيط بجد .

فساد النظام

فى كل البرامج الحواريه فى الفضائيات المصريه يتحدث الضيوف عن الفساد الذى إستشرى فى البلد وكلهم يرجع السبب فى ذلك إلى فساد النظام . طب إيه اللى جابرنا على النظام ده ؟ ما نغيره ونجيب واحد تانى سبعه نظام بالريموت كنترول وإن كنتو خايفين من الجمارك ما يهمكومش سيبووووها عليا.

وظائف شاغره

مطلوب للعمل كوزراء فى بلاد الواء واء .
المؤهلات المطلوبه : ــ
1 / ذمه واسعه .
2 / دماغ عاليه .
3 / لا مبالاه وتطنيش
4 / عديم الخبره عديم الفهم مسلوب الإراده .
المزايا :ـــ
1 / راتب شهرى 3000 زلووط.
2 / عمولات وبدلات مليون زلووط.
3 / رشاوى ومحسوبيات 3 مليون زلووط.
4 /سرقات وهبشات 10 مليون زلووط.
5 / ضمان بعدم المسائله القانونيه بعد ترك الخدمه لو تركها.
6 / جائزة دوله تقديريه للإنجازات الوهميه المحققه فى عهد كل وزير.
على الساده الراغبين تقديم السيره الذاتيه فى المكان اللى انتوا عارفينو.

وحشتونى

سيبونى أصرخ

يا كل زعماء العرب
عفوآ
باجبناء العرب
عدونا يبيد أهلنا
كأنها النار فى الحطب
وإنتوا يا زعماء العرب
عفوآ يا جبناء العرب
ما فيكمش واحد إنتصب
ولا حتى بين الغضب
والله دى قلة أدب
سفاله نداله يا جرب
يا كل زعماء العرب
عفوآ
يا جبناء العرب
نصيحتى تلبسوا الطرح
وهعمل لكو الليله فرح
كل اللى يلبس ينسدح
وينتظر
أولمرت عريسكم يا جرب
يا كل جبناء العرب

حسبى الله فى كل الحكام العرب

بشرى إلى إخواننا فى غزه

فى إجتماع عاجل للجامعه العربيه على مستوى الملوك والرؤساء لمناقشة الأوضاع فى قطاع غزه وبعد إنتهاء الجلسه أصدر الأمين العام للجامعه القرار التالى:ـ
إتفقت الدول العربيه فى إجماع غير مسبوق أن ترفض ما فعله الكيان الصهيونى بإخواننا فى غزه وأنه سوف يتم إرسال شحنه ضخمه من السلاح إلى إخواننا فى غزه لمساعدتهم فى مواجهة الآليه العسكريه للكيان الصهيونى وإليكم تفصيل هذه الشحنه:ـ
1 / عدد 5000 دبابه من طراز نشجب
2 / عدد 10000 صاروخ طويل المدى طراز ندين
3 / عدد 7000 طائره مقاتله من طراز نعترض
4 / عدد 8000 مدرعه طراز نحتج
5 / عدد غير محدود من سلاح الصمت
أبشروا يا عرب
النصر قد إقترب

وأتموا الحج والعمرة لله

قد من الله تعالى على بأداء فريضة الحج هذا العام مع بعثة الحج

الرسميه لدولة الإمارات العربيه المتحده وكنت أحد أعضاء البعثه

العاملين وقدأكرمنى الله تعالى وحصلت على شهادة تقدير ومكافأه

ماليه تقديرآللجهد الذى بذلته وكان من ضمن أسباب نجاح البعثه

بنسبة نجاح قاربت 100%